Isotopo-en iturria ikusi

[[Fitxategi:Hidrogeno isotopoak 3.svg|thumb|300x300px|Hidrogeno isotopoen zenbakiak, egitura, izenak eta sinboloak. Tritioa baino astunagoak diren isotopoak badauden arren, ezengonkorregiak dira mikrosegundo batez existitzeko ere.]]
[[Fitxategi:Isotopoak Azalpena 3 DBH.webm|thumb|thumbtime=71|'''Isotopoak''' ulertzeko bideoa.{{Jakindun}}]]
'''Isotopoak''' [[atomo-zenbaki]] (''Z'') bera baina [[masa-zenbaki]] (''A'') ezberdina duten [[Atomo nukleo|atomo nukleoak]] dira.<ref>[https://goldbook.iupac.org/terms/view/I03331 IUPAC]. ''Compendium of Chemical Terminology'', 2. edizioa ("Gold Book"). Compiled by A. D. McNaught and A. Wilkinson. Blackwell Scientific Publications, Oxford (1997). Online version (2019-) created by S. J. Chalk. <nowiki>ISBN 0-9678550-9-8</nowiki>. <nowiki>https://doi.org/10.1351/goldbook</nowiki>.</ref> Isotopoek atomo-zenbaki bera dutenez, [[protoi]] kopuru bera dute eta ondorioz [[elementu kimiko]] bera dira; masa-zenbaki eta [[masa atomiko]] ezberdinak eragiten dituen gauza bakarra [[neutroi]] kopuru (''[[Neutroi zenbakia|N]]'') ezberdina izanik.<ref>{{erreferentzia|urtea=2017|izenburua=Química general|argitaletxea=Pearson|orrialdea=A48|ISBN=978-84-9035-533-6|hizkuntza=es|abizena1=Petrucci|izena1=Ralph}}</ref>

Adibidez, [[hidrogeno]] atomo guztiek dute protoi bat nukleoan (''[[Atomo-zenbaki|Z]]''&nbsp;=&nbsp;1), baina gehienek ez dute neutroirik (''N''&nbsp;=&nbsp;0, ''[[Masa-zenbaki|A]]''&nbsp;=&nbsp;1), batzuk bat (''N''&nbsp;=&nbsp;1, ''A''&nbsp;=&nbsp;2) eta gutxi batzuk bi (''N''&nbsp;=&nbsp;2, ''A&nbsp;=&nbsp;''3).<ref>{{erreferentzia|izena=Gregory F.|abizena=Herzog|urtea=2022|izenburua=Isotope|argitaletxea=Britannica|hizkuntza=en|url=https://www.britannica.com/science/isotope}}</ref> Isotopoak izendatzeko masa-zenbakia adierazten da elementuaren ondoren gidoi batekin (aurreko kasuan, [[Protio|hidrogeno-1]], [[Deuterio|hidrogeno-2]] eta [[Tritio|hidrogeno-3]], hurrenez hurren). Sinbolo bezala adierazteko, masa-zenbakia goi-indize bezala jartzen da elementu sinboloaren aurretik ([[Protio|<sup>1</sup>H]], [[Deuterio|<sup>2</sup>H]] eta [[Tritio|<sup>3</sup>H]]). Hidrogenoaren kasuan gainera, arrazoi historikoengatik, isotopoek izen bereziak dituzte ([[Protio|protioa]], [[Deuterio|deuterioa]] eta [[Tritio|tritioa]]) eta azkeneko biak sinbolo bereziak ere bai ([[Deuterio|D]] eta [[Tritio|T]]).<ref>{{erreferentzia|izena=Ralph|abizena=Petrucci|urtea=2017|izenburua=Química general|argitaletxea=Pearson|orrialdea=45|ISBN=978-84-9035-533-6|hizkuntza=es}}</ref><ref>{{erreferentzia|urtea=2021|izenburua=Isotopes of hydrogen|argitaletxea=Chemistry LibreTexts|hizkuntza=en|url=https://chem.libretexts.org/Bookshelves/Inorganic_Chemistry/Map%3A_Inorganic_Chemistry_(Housecroft)/10%3A_Hydrogen/10.3%3A_Isotopes_of_Hydrogen}}</ref>

== Etimologia ==

Isotopo hitza ''iso'' «berdina, bera» eta ''topos'' «toki, leku» erro grekoetatik dator, eta Margaret Todd doktore eskoziarrak Frederick Soddy kimikari ingelesari proposatu zion atomo mota bakoitzari [[taula periodiko]]ko leku bera zegokiela esaten ari zirela.<ref>{{erreferentzia|izenburua=isotope|argitaletxea=etymonline.com|hizkuntza=en|url=https://www.etymonline.com/word/isotope}}</ref>

== Elementuen masa atomikoa eta masa molekularra ==
Isotopo bakoitzaren masari masa isotopikoa deritzo, eta orohar [[Masa atomikoaren unitate|masa atomikoaren unitateetan]] (unitate-sinboloa: u) adierazten da. Masa isotopiko, masa atomiko eta masa-zenbakia antzekoak dirudite baina ez dira nahasi behar. Masa-zenbakia nukleoi kopurua da, balio zehatz eta matematikoki [[Zenbaki arrunt|arrunta]]. Masa isotipikoa berriz nukleoi hauen eta elektroien masa da, balio neurtua eta ez-arrunta. Adibidez, <sup>1</sup>H isotopoaren masa-zenbakia 1 da eta bere masa isotipikoa 1,008&nbsp;[[Masa atomikoaren unitate|u]]. Aurrekoarekiko salbuespen bakarra <sup>12</sup>C isotopoa da, bere masa definizioz zehazki 12&nbsp;[[Masa atomikoaren unitate|u]] baita.

[[Elementu kimiko|Elementu]] baten [[masa atomiko]]a eta [[masa molekular]]ra elementu baten edo [[molekula]] baten [[masa]] adierazten duen magnitudeak dira, eta masa atomiko unitatetan kalkulatzen dira. Elementu gehienek isotopo natural anitz izaten dutenez masa atomikoa kalkulatzeko isotopo bakoitzaren aniztasuna kontutan duen batazbestekoa egiten da ondorengo formularen bidez.<ref>{{erreferentzia|urtea=2021|izenburua=Cómo calcular el porcentaje de abundancia de un isótopo|argitaletxea=cienciahoy.net|hizkuntza=es|url=https://cienciahoy.net/como-calcular-el-porcentaje-de-abundancia-de-un-isotopo/}}{{Apurtutako esteka|date=abuztua 2024 |bot=InternetArchiveBot |fix-attempted=yes }}</ref>

:<math>\bar M = M_1F_1+M_2F_2+\ldots+M_nF_n</math>

Non <math>M</math> isotopo baten masa isotipikoa den eta <math>F</math> isotopo bakoitzaren ugaritasun frakzioa.

Neonak hiru isotopo ditu, ondorengo ugaritasun eta masa isotipikoekin.<ref>{{erreferentzia|urtea=2019|izenburua=Isotopic abundance and atomic weight|argitaletxea=Chemistry LibreTexts|hizkuntza=en|url=https://chem.libretexts.org/Courses/University_of_Arkansas_Little_Rock/Chem_1402%3A_General_Chemistry_1_(Kattoum)/Text/2%3A_Atoms%2C_Molecules%2C_and_Ions/2.03%3A_Isotopic_Abundance_and_Atomic_Weight}}</ref>
{| class="wikitable"
|+
!Isotopoa
!Masa isotipikoa (u)
!Ugaritasun-frakzioa
|-
|<sup>20</sup>Ne
|style="text-align: right;"|19,992
|style="text-align: right;"|0,9051
|-
|<sup>21</sup>Ne
|style="text-align: right;"|20,993
|style="text-align: right;"|0,0027
|-
|<sup>22</sup>Ne
|style="text-align: right;"|21,991
|style="text-align: right;"|0,0922
|}
Ondorioz, neonaren masa atomikoa izango da:

:<math>\begin{align}
\bar M (\mathrm{Ne}) &= M(^{20}\mathrm{Ne})F(^{20}\mathrm{Ne})+M(^{21}\mathrm{Ne})F(^{21}\mathrm{Ne})+M(^{22}\mathrm{Ne})F(^{22}\mathrm{Ne}) \\[3pt]
&= \text{(19,992 u)(0,9051) + (20,993 u)(0,0027) + (21,991 u)(0,0922)} \\[3pt]
&= \text{20,179 u}
\end{align}</math>

[[Molekula|Molekulekin]] antzeko zerbait egiten da hots, molekula isotopologoen aniztasuna kontutan hartuz media kalkulatu.

== Isotopoen berezitasunak eta haien aplikazioak ==

[[Elementu kimiko]] beraren isotopoek oro har kimikoki portaera berdintsua izaten dute azken finean [[karga elektriko|elektrikoki]] berdinak baitira oreka elektrikoan [[protoi]] eta [[elektroi]] kopuru bera baitute.

=== Masa eta masa espektrometria ===

Isotopoen arteko alde nabarmenena haien [[masa]]n datza, [[neutroi]] kopuru ezberdina dutelako, propietate [[masa|masiko]] ezberdinak dituzte eta horrek [[inertzia|inertzi]] eta azeleraziopean portaera ezberdinak egozten dizkie. Masa ezberdintasun hori are nabarmenagoa da [[atomo-zenbaki|zenbaki atomiko]] txikia duten elementuetan [[atomo nukleo|nukleo]] oso handiak dituzten elementuetan ez baita alde handirik [[neutroi]] bat gehiago ala gutxiago izan, nukleo txikidun atomoetan alde handia dago ordea, [[hidrogeno]]an adibidez [[deuterio]] (<sup>2</sup>H) nukleoaren masa [[protio]] (<sup>1</sup>H) nukleoaren masaren bikoitza da gutxi gorabehera.

:<math>k=
\mathrm{{{(A\ isotopoaren\ nukleoi\ kopurua)-(B\ isotopoaren\ nukleoi\ kopurua)}\over{elementuaren\ batez besteko\ nukleoi\ kopurua}}\times 100}</math>

:<math>\mathrm{Geroz\ eta\ \mathit{k}\ handiagoa\ \rightarrow\ Isotopoen\ arteko\ alde\ handiagoa}</math>

:<math>\mathrm{Geroz\ eta\ \mathit{k}\ txikiagoa\ \rightarrow\ Isotopoen\ arteko\ alde\ txikiagoa}</math>

Elementu beraren isotopo bi hartu eta [[elektroi]] kopuru bera kentzen badiegu bien [[karga elektriko]]a berdina izango da, ez ordea haien [[masa]], bi [[ioi]] isotopiko horiek [[eremu magnetiko]] batean jaurtitzen baditugu, biak [[abiadura]] berdinean, kurbatura ezberdineko ibilbidea jarraituko dute masa handiena duenak kurba zabalagoa jarraituko duelarik (kurbatura erradio handiagoa) masa txikiena duenak kontrakoa egiten duen bitartean (kurba itxiagoa), ikus diagrama:

[[Fitxategi:isotopo.gif|thumb|300px]]

Aurrekoa zenbait [[masa espektroskopio]]ren funtsa dugu. Kargadun partikulek [[Lorentzen indar]] deritzon indar bat jasaten dute [[eremu elektromagnetiko]]etan zehar igitzen direnean, indar hau ([[eremu elektriko]] ezean) [[eremu magnetiko]]aren noranzkoa eta [[abiadura]]rekiko [[elkarzut|perpendikularra]] da. [[Newtonen legeak|Newtonen bigarren legeak]] dioenez objektu batek jasaten duen [[indar]]ra eta [[azelerazio]]a bata bestearen proportzionalak dira proportzionaltasun konstantea objektuaren [[masa]] delarik. Aurreko legeak hurrengo ekuazio matematikoetan adieraz daitezke:

:<math>\vec{F_L} = q (\vec{E} + \vec{v} \times \vec{B}) \,</math>

:<math>\vec{F} = m \vec{a}\,</math>

Non:
* <math>\vec{F_L}\,</math> = [[Lorentzen indar]]ra
* <math>{q}\,</math> = [[karga elektriko]]a
* <math>\vec{E}\,</math> = [[eremu elektriko]]a
* <math>\vec{v}\,</math> = [[abiadura]]
* <math>\vec{B}\,</math> = [[eremu magnetiko]]a
* <math>\vec{F}\,</math> = [[indar]]ra (edozein)
* <math>{m}\,</math> = [[masa]]
* <math>\vec{a}\,</math> = [[azelerazio]]a

Esan bezala eremu elektriko ezean Lorentzen indarra sinpleagoa izanen da eta beste indarrik jasaten ez duen partikula bat badugu ondorengoa idatz genezake:

:<math>\vec{F_L} = q (\vec{v} \times \vec{B}) =  m \vec{a}\,</math>

Inongo [[marruskadura indarra|marruskadurarik]] gabe (abiadura konstantea izango da)partikula bat bere abiadurarekiko perpendikularra den eremu magnetiko konstante batean sartzen bada ibilbide zirkularra jarraitzen du. Zirkulu batean abiadura konstantez biraka dabilen objektuak [[azelerazio zentrifugo]]a du soilik:

:<math>\vec{a} = {{\vec{v}\vec{v}} \over {R}}\vec{u_r} = {v^2 \over R}\vec{u_r}\,</math>

Non <math>\vec{u_r}</math> [[zirkunferentzia]]ren erradioaren norabidea duen bektore unitarioa den.

Abiadura eta eremu magnetikoa perpendikularrak direnez:

:<math>\vec{F_L} = q (\vec{v} \times \vec{B}) =  qvB \vec{u_r}\,</math>

Aurreko ekuazioen bitartez ibilbidearen [[erradio (geometria)|erradioa]] lor genezake:

:<math>qvB \vec{u_r} = m{v^2 \over R}\vec{u_r}\,</math><math>R ={ mv \over qB}\,</math>

Azken ekuaziotik jada aipatu den propietatea lortzen da, beste magnitude guztiak konstante mantentzen badira masa handiena duten partikulek erradio handiagoa duten zirkunferentziak osatuko dituzte eta txikienek erradio txikiagokoak (m↑ orduan R↑ eta m↓ orduan R↓).

=== Bibrazio modoak eta espektrometria infragorria ===
[[Fitxategi:espektroskopio_infra.jpg|thumb|300x300px|[[Infragorrien espektroskopia|Espektroskopio infragorriak]] [[fotoi]]ak xurgatzen diren [[maiztasun|frekuentziak]] aurkitu eta [[espektro]]a marrazten du, [[molekula]] bakoitzak bere espektroa du gizakiok hatz-markak ditugun bezala]]
Formula berdina duten bi [[molekula|molekulek]] [[elementu kimiko]] beraren isotopo ezberdinak izan ditzakete (molekula batek isotopo mota bat eta besteak bestea), molekula hauek [[isotopologo]]ak direla esan ohi da. Isotopologoak diren bi molekula baditugu, haien portaera ez da guztiz berdina izango elementu beraren bi isotoporen artean gertatzen den bezala. Bi molekulen [[neutroi]] kopuruaren arteko aldearen eta molekulak batez beste duen [[nukleoi]] kopuruaren arteko proportzioaren araberakoak izango dira ezberdintasunak atomo hutsekin gertatzen zen antzera:

:<math>k=
\mathrm{{{(A\ molekularen\ nukleoiak)-(B\ molekularen\ nukleoiak)}\over{Molekularen\ batez besteko\ nukleoiak}}\times 100}</math>

:<math>\mathrm{Geroz\ eta\ \mathit{k}\ handiagoa\ \rightarrow\ Molekulen\ arteko\ alde\ handiagoa}</math>

:<math>\mathrm{Geroz\ eta\ \mathit{k}\ txikiagoa\ \rightarrow\ Molekulen\ arteko\ alde\ txikiagoa}</math>[[Fitxategi:Atmosfaerisk spredning.png|thumb|300px|[[Atmosfera]]ren [[infragorri]] absortzio [[espektro (argipena)|espektroa]], atmosferaren osagaiak bereizten direlarik]]
Molekula baten [[bibrazio modo]]ak bere egitura atomiko eta [[masa]]ren araberakoak dira. Molekularen bibrazio modoek molekularen [[fotoi]] absortzioan zerikusia dute beraz molekula isotopologoek masa ezberdina dutenez bibrazio modo ezberdinak izango dituzte, energia desberdinetara jasoko dituzte fotoiak eta honen ondorioz molekula isotopologoek argi [[infragorri]]arekiko portaera optiko ezberdina izango dute. Erradiazio infragorria ([[argi]] ikusgaiarena baino [[uhin-luzera|uhin luzera]] handiagoa duten uhin elektromagnetikoak) era ezberdinean xurgatzen dute beraz isotopo ezberdinek; fenomeno honek [[espektrometria infragorri]]aren bidez isotopoak bereiztea ahalbidetzen du. Espektrometria infragorrian molekulak [[maiztasun|frekuentzia]] ezberdineko argi infragorriarekin argiztatzen dira eta frekuentzia aldatu ahala [[fotoi]]en absortzioa neurtzen da, horrela molekularen [[absortzio espektro]] bat lortzen da non frekuentzia eta [[energia]] absortzioa erlazionatzen diren. Isotopo ezberdinek marka ezberdinak eragiten dituzte, eta espektroan horren bidez molekula isotopologoak bereiz daitezke (bai eta molekulak ere). Espektrometria infragorria burutzen duen ekipamenduari espektrometro infragorri deritzo.

=== Indar nuklearrak eta datazio sistemak ===

Isotopoak kimiko eta elektrikoki oso antzekoak diren arren, sekulako aldea dago haien portaera [[atomo nukleo|nuklearrean]]. [[Indar nuklear bortitz]] delakoak (ikusi naturako [[funtsezko indar]]rei buruzko artikulua) mantentzen ditu bat eginik [[protoi]] eta [[neutroi]]ak [[atomo]]en nukleoan garrantzi handia du indar honek protoiak bata bestearengandik urbil mantentzerakoan [[indar elektromagnetiko]]a dela eta zeinu bereko [[karga elektriko|karga]] dutenez bata bestearengandik aldentzeko joera baitute. [[Neutroi]]ek ez dute karga elektrikorik eta protoien artean tarteak egotea ahalbidetzen dute. Esan bezala indar nuklear bortitzak mantentzen ditu protoi eta neutroiak batera horretarako partikulak bata bestearengandik oso gertu egon behar dute, nolabait esan liteke neutroiak indar nuklear bortitzaren bidez pegamento lanak egiten ditu protoiak eutsiz eta nukleoa egonkor bilakatuz. Hori dela eta nukleo batean protoi bat baino gehiago egon dadin neutroi bat edo gehiago beharko dira eta protoi kopuruak gora egin ahala neutroi kopuruak ere hazi egin beharko du nukleo egonkor bat izan nahi badugu behintzat.

[[Protoi]] eta [[neutroi]] konbinazio jakin batzuk soilik izango dira egonkorrak asko eta asko ezegonkorrak diren artean beraz protoi kopuruak elementuaren araberakoa den lez isotopo baten neutroi kopurua (isotopo bera definitzen duena) [[atomo]]aren egonkortasunak mugatzen du. Orohar elementuek bizpairu isotopo egonkor izan ditzakete eta beste bizpahiru isotopo ezegonkor. Isotopo ezegonkorretan nukleoko ekilibrioak ez du luzaro irauten eta zenbait perturbazio medio desegin egingo da konfigurazio egonkorragoak osatuz, azken fenomeno honi [[desintegrazio nuklear]] deritzo [[desintegrazio erradioaktibo|erradiaktibitatean]] garrantzi handia duena.

Orohar nukleo txikiak oso egonkorrak dira zenbaki atomikoa hazi ahala egonkortasuna galtzen delarik. [[Helio|<sup>3</sup>He]] atomoek 1:2 protoi neutroi proportzioa duten artean [[Uranio|<sup>238</sup>U]] atomoek 3:2 baino handiago den proportzioa behar dute nolabaiteko egonkortasuna lortzearren.

Isotopo ezegonkorrak desegiten direnean beste elementu egonkorragoetan bihurtzen dira prozesu honek [[karbono-14 bidezko datazioa|karbono-14]] eta beste [[datazio sistema erradiometriko]] askoren funtsa delarik ([[argon]]-argon, [[potasio]]-argon, [[uranio]]-[[torio]]...). [[Karbono-14 bidezko datazioa|Karbono-14]] datazio sisteman [[karbono]]dun materia zati bat hartzen da ([[materia organiko]]ak karbonoa duenez oso aproposa da metodo hau aztarna biologikoak datatzeko) eta karbono-14 isotopo ezegonkor eta karbono-12 isotopo egonkorraren arteko proportzioa neurtzen da. Jakin badakigu karbono-14ak 5730±40 urteko [[semidesintegrazio-periodo]]a duela eta hildako materiak ez duela bere karbono-14a berritzen horrek 5730 urtero hildako materiak duen karbono-14 erdia beta desintegrazio bidez desegiten dela esan nahi du <sup>14</sup>N arrunta bihurtzen delarik:

:<math>\mathrm{~^{14}_{6}C}\rightarrow\mathrm{~^{14}_{7}N}+ e^- + \bar{\nu}_e</math>

Beraz aztarna batek duen karbono-14 proportzioa jakinda eta materia biziak duen proportzioa ezaguna denez materia zati horrek hilda daraman denbora kalkulatu liteke ±30 urteko prezisioaz duela 60&nbsp;000 urteraino. Karbono-14 metodoak garrantzi handia du [[arkeologia]] eta [[antropologia]]n.

== Elementuak eta haien isotopoak ==

Isotopo taulak erabiltzen dira isotopoak klasifikatzeko, taula horiek oso handiak dira eta bertan jarri beharrean ondorengo bi loturen bidez ikus daitezke:

* [[Isotopo taula (zatikatua)]]
* [[Isotopo taula (osoa)]]

== Isotopoak naturan ==

[[Elementu kimiko|Elementu]] gehienek naturan aurki litezkeen zenbait isotopo dituzte. Isotopo jakin baten aniztasuna isotopoak [[desintegrazio nuklear|desintegratzeko]] duen joerarekin du erlazioa batik bat. [[Batazbesteko biziraupena|Biziraupen]] laburra duten isotopoak azkar asko desegiten dira biziraupen handia dutenak berriz milaka urte pasa ditzakete desegin gabe. Bizi laburreko isotopoak ordea ez dute zertan lurretik desagertu behar, bertan aurkitzen badira nolabait kontinuoki eratzen direlako da beste isotopoen [[desintegrazio nuklear|desintegraziotik]] batik bat edota [[espazio]]tik [[eguzki haize]]aren bidez edota [[meteorito]]en bidez iristen direlako. Orohar [[elementu kimiko|elementuei]] buruzko informazio tauletan elementu horren isotopoen batezbesteko anitztasunari buruzko datuak agertu ohi dira datu hauek elementuaren [[masa atomiko]]a kalkulatzeko erabiltzen direlarik.

[[Hidrogeno]], [[helio]] eta beste zenbait elementu arinen ([[litio]], [[berilio]] eta [[boro]]a) isotopoak [[unibertso]]aren sorkuntzan eratu zirela esan ohi da beste elementu guztiak izar eta supernobetako [[nukleosintesi]] prozesuetatik datozela ametitzen delarik. [[Big Bang]]-a ezgeroztik sortu diren elementuak [[unibertso]]an zehar barreiatu dira ente astronomiko oro sortuz, gure [[eguzki-sistema|eguzki sistema]] besteak beste. [[Eguzki-sistema|Eguzki sistemaren]] lehen garaitan isotopoak [[masa]]ren arabera barreiatu ziren, [[planeta]] bakoitzak isotopo distribuzio berezia izanik. [[Planeta]] bakoitzak elementuen distribuzio propioa duenez beste planetetatik datozen [[meteorito]]ak ze planetatik datozen identifikatu daiteke.
==[[Fitxategi:Jakindun logoa.png|left|24px]] Ariketak ==
<gallery mode="packed" heights="120" style="background-color: #fef6e7; margin-left: 0;" caption="Isotopoak">
Fitxategi:Isotopoak Ariketa1 3 DBH.webm|'''Isotopoak''' lantzeko ariketa I.
Fitxategi:Isotopoak Ariketa2 3 DBH.webm|'''Isotopoak''' lantzeko ariketa II.
</gallery>
== Erreferentziak ==
{{erreferentzia_zerrenda|30em}}

== Ikus, gainera ==
{{Zutabe-zerrenda|tamaina = 20|
* [[Isotopo erradioaktibo|Isotopo erradiaktibo]]
* [[Atomo]]
* [[Erradioisotopo sintetiko]]
* [[Elementu kimiko]]
* [[Espektrometria]]
* [[Espektro elektromagnetiko]]
* [[Espektrometria infragorri]]
* [[Espektrometria elektromagnetiko]]
* [[Elektromagnetismo]]
* [[Molekula]]
}}

== Kanpo estekak ==

{{autoritate kontrola}}

[[Kategoria:Atomoa]]
[[Kategoria:Isotopoak]]