Teleskopio-en iturria ikusi

{{HezkuntzaPrograma|Fisika eta Kimika}}
[[Fitxategi:Telescope.jpg|thumb|200px|Nizako behatokiko '''teleskopioa'''.]]
'''Teleskopioa''' urrutiko [[Astro|astroak]] behatzeko [[tresna]] bat da, zeruko objektu horietatik datorren [[erradiazio elektromagnetikoa]] jasotzeko eta analizatzeko aukera ematen duena. Astronomian erabiltzen den tresna nagusia da, baina beste zenbait arlotan ere bai (esaterako, [[ornitologia]]<nowiki/>n eta [[argazkigintza]]<nowiki/>n).<ref>{{erreferentzia|izena=https://zthiztegia.elhuyar.eus/terminoa/eu/teleskopio|abizena=Zientzia eta Teknologiaren Hiztegi Entziklopedikoa|hizkuntza=eu}}</ref>

Hitza grezierazko '''''τηλεσκόπος'''''  (''tēleskópos,'' “urrunera begira”) hitzetik [[Pizkundea|Errenazimentu]] ondorengo latin zientifikoan sortutako '''''telescopium''''' terminotik dator. Hain zuzen, XVII. mendearen hasieran asmatu zenetik, terminoa urruneko astroetatik iristen zen [[Argi|argia]]<nowiki/>ren hargailu modura erabili izan da, beraren handiagotze optikoari esker begi hutsez nekez hauteman edo gehienetan ikus ez daitezkeen zeruko objektu puntualak behatzeko.

Lippershey-k eta [[Galileo Galilei|Galileo]]<nowiki/>k lehen teleskopioak 1608. urte inguruan egin zituzten, eta geroztik tresna horiek garrantzi handia izan dute zientziaren historian. Hastepenetakoek —eta gaur egun ere zabalduen daudenek— [[Argi ikusgai|argi ikusgaia]] hautematen dute, eta '''''teleskopio optiko''''' deritze: horiek urrutiko objektuen irudiak hainbat aldiz handiagotzea lortzen dute.

Bi mota nagusiko teleskopio optikoak erabili izan dira oso aspalditik:  

* ''[[Errefrakzio-teleskopio|errefrakzio-teleskopioa]]'' (edo ''teleskopio errefraktorea''), irudiak handitzeko leiar- edo [[lente]]-sistema darabilena, eta
* ''[[Islapen|erreflexio-teleskopioa]]'' (''islapen-'' edo ''ispilu-teleskopioa'' ere esaten zaio) argia fokalizatzeko [[ispilu]]-sistema darabilena.   

Dena den, 1930eko hamarkadan,  [[Bernhard Schmidt]]<nowiki/>ek (1879-1935) ''teleskopio katadioptrikoa'' asmatu zuen, lenteen eta ispiluen kualitateak konbinatuz, horrela potentzia handiko baina tamaina txikiko teleskopioak fabrikatuz.

XX. mendean, ''[[frekuentzia]]'' edo ''[[maiztasun]]'' guztietako erradiazio elektromagnetikoaz dabiltzan teleskopioak eraikitzen hasi ziren: [[Irrati-teleskopio|irrati-teleskopioak]], [[mikrouhin]]-teleskopioak, argi [[infragorri]] edo [[Ultramore|ultramorea]] jasotzen dutenak, [[X izpi]] edo [[gamma izpi]]<nowiki/>en teleskopioak.

== Historia ==
{{sakontzeko|Teleskopioaren historia}}
=== Asmakuntza ===
[[Hans Lippershey]]-k (1570-1619) asmatu zuen lehen teleskopioa 1608an. Lippersey Alemanian jaioa zen, baina Middelburg-era ([[Herbehereak]]) bizitzera joan, eta bertan leiar-fabrikatzaile eta optika-maisua izan zen. Asmakuntzari buruzko kondaira batek dioenez, haren lantegian bi haur (Lippersheyren seme-alabak, agian) leiarrekin jolasean zebiltzala, nahigabe egindako konbinazio bati esker, urruneko objektuak handiago ikustea lortu omen zuten. Hasierako teleskopioaren handipen-faktorea 3 eta 4 bitartekoa zen.

Fenomenoaren garrantziaz ohartuta, Lippersheyk Holandako agintariei eskaini zien bere asmakizuna, sekretupean. Tresna harrigarri  hura erakusteko hainbat demostrazio prestatu zituzten holandarrek. Erakustaldi horietako batean izan zen [[Jacques Badovere]] frantziarra —[[Giacomo Badoer]]<ref>{{erreferentzia|izena=|abizena=https://en.wikipedia.org/wiki/Giacomo_Badoer|hizkuntza=en}}</ref>, c.1575 – c.1620—, eta bere gaztetako maisu izandakoari gutun bat idaztea erabaki zuen, asmakizunaren berri emanez. Maisu hura Galileo Galilei zen, eta 1609ko maiatzean jaso zuen ikasle ohiaren eskutitza.

=== Galileo ===
Asmakizunaren berriak jasotzean, [[Galileo Galilei]]<nowiki/>k printzipio berean oinarrituriko bi lentedun '''''[[errefrakzio-teleskopio]]''''' bat diseinatu eta eraikitzea erabaki eta 1609an lehen teleskopio astronomikoa erakutsi zuen. Lehen teleskopio errefraktore hark [[Konbexo|lente konbexu]] bat zeukan objektiboan eta [[Konkabo|lente konkaboa]] okularrean. Haren bidez, Galileok aurkikuntza handiak egin zituen astronomian: besteak beste, 1610eko urtarrilaren 7an [[Jupiter]]<nowiki/>ren lau ilargi ikusi zituen planetaren inguruko orbita batean biraka.

=== Kepler eta Huygens-en hobekuntzak ===
[[Fitxategi:Large 1924 0209 0007 .jpg|thumb|210x210px|Newton-en teleskopioaren erreplika.]]
Handik gutxira, 1611n, [[Johannes Kepler]]-ek (1571-1630) bere ''Catoptrica'' liburuan azaldu zuen «''bi lente konbexurekin eraikitako teleskopioaren teoria eta zenbait abantaila praktiko''», horrela Galileoren emaitzak hobetuz eta hortik aurrerako teleskopio errefraktoreen diseinu berria finkatuz. 

Geroago, 1655. urtearen inguruan, [[Christiaan Huygens]] (1629-1695) bezalako astronomoek irismen handiko eta <math>1000</math> arteko handipen-ahalmeneko teleskopio errefraktore keplertarrak eraiki zituzten. Tresna horietako baten (<math>\text {56,9 mm}</math>-ko diametroa eta <math>\text {3,65 m}</math>-ko foku-distantzia) bitartez, [[1655]]<nowiki/>ean [[Saturno]]<nowiki/>ren sateliteetako distiratsuena —[[Titan (satelitea)|Titan]] izena jarri zioten— aurkitu zuen. Horretan oinarrituta, ''Systema Saturnium'' izeneko lana argitaratu zuen, eta bertan Saturnoren eraztunen benetako azalpena eman zuen lehen aldiz.  
[[Fitxategi:Newtontelescope.png|ezkerrera|thumb|250x250px|Newtonen teleskopioa.]]

=== Newton-en islapen-teleskopioa ===
[[Isaac Newton]]<nowiki/>ek ''erreflexio-teleskopioa'' asmatu zuen eta aurrerapen garrantzitsua izan zen garai hartako errefrakzio-teleskopioekin konparatuz, erraz zuzentzen baitzuen haien [[Aberrazio kromatiko|aberrazio kromatikoa]].[[Fitxategi:Telescope newton schema.png|thumb|180x180px|Newton-en motako teleskopio islatzailearen eskema.|ezkerrera]][[Fitxategi:Telescope schmidt cassegrain complet.png|thumb|Schmidt-Cassegrain teleskopioaren eskema.|262x262px]]Newtonek [[1668]]<nowiki/>an prestatu zuen bere teleskopioaren lehen bertsioan, ispilu nagusi [[konkabo]]<nowiki/>ak islatutako argia behaketa-posiziora eraman behar zen ispilu lau batez, tresnaren azpira edo alde batera. Erreflexio-teleskopioetan, bestalde, ispilu nagusiak —[[parabola (argipena)|parabolikoa]] gehienetan— alderantzizko irudi erreala moldatzen zuen bere plano fokalean. Lehenengo ispilu horren [[foku]]an kokatuta zegoen eta askoz txikiagoa zen bigarren ispilu batek albo batera edo ardatzaren norabide berean islatzen zituen argi-izpiak, teleskopioaren hoditik kanpora, behatzaileak irudiari antzemateko moduan. Antza denez, lehen erreflexio-teleskopioa [[1671]]<nowiki/>n moldatu zuen Newtonek.

Tresna haietan ispilu nagusia esferikoa zen; bigarren bigarrena laua, eta teleskopioaren ardatzarekiko <math>45^\circ</math> makurturik zegoen. [[William Herschel]]<nowiki/>ek bigarren ispilua kendu zuen bere teleskopioan (1783), ispilu nagusiari makurtze-maila egokia emanez. Laurent Cassegrain-en teleskopioan, bigarren ispilua konbexua zen, ispilu nagusiaren ardatz berean kokatua, eta ispilu horretan egindako irekigune batera islatzen zituen argi-izpiak; era horretara, distantzia fokala askoz luzeagoa zen (irudi handiagoak). [[Isaac Newton|Newton]]- eta Cassegrain- sistemak konbinaturik agertzen dira ''Foucault-Cassegrain'' izeneko tesleskopioan, baita geroago erabili direnetan ere.

Bi mende geroago, [[Henry Draper]]<nowiki/>ek astronomo amerikarrak erabateko islapeneko prisma bat erabili zuen Newtonen teleskopioaren ispilu lauaren ordez.
[[Fitxategi:100 inch Hooker Telescope 900 px.jpg|thumb|326x326px|Mount Wilson Observatory-ko 2,53 m-ko teleskopioa.]]

=== XX. mendea ===
Nolanahi ere, XIX. mendeko teleskopioek arazo bat zeukaten, teleskopioak zenbat eta gehiago handitu hainbat eta ikuseremu txikiagoa hartzen baizuten, eta ikuseremua zabaltzean, ispilu ahurrak srturiko deformazioa (esferizitate-aberrazioa) gero eta handiagoa zen. 

Hori zuzentzeko eta ikuseremu handiak behatu ahal izateko, 1932an [[Bernhard Schmidt]] estoniarrak [[errefrakzioa]] eta [[Islapen|erreflexioa]] konbinatzen zituen teleskopio bat sortu zuen. Hamar minutu inguruko arkuaren ordez, Schmidten teleskopioak hamarka graduko eremua hartzen zuen. Ispilu nagusia esferikoa zen, eta haren gainetik jarritako lente berezi batek ispiluak sortutako aberrazioa deuseztatzen zuen. Modu horren arazo nagusia eragindako eremu-kurbatura handia zen; horregatik, argazkiak pelikula edo plaka kurbatu esferikoetan hartzen ziren.

=== Teleskopio erraldoiak ===
[[Fitxategi:Hubble Space Telescope (27946391011).jpg|thumb|200x200px|Hubble teleskopio espaziala Lurraren inguruko orbitan.]]Hurrengo pausoa teleskopio erraldoiak eraikitzea izan zen. Kaliforniako [[Mount Wilson Behatokia|Wilson mendiko behatoki]]<nowiki/>ko <math>\text {2,53 m}</math>-ko diametroa zuen teleskopioa izan zen aitzindaria. [[Edwin Hubble]] (1889-1953) astronomo amerikarraren lanetan balio izan zuelako egin zen ospetsu. Besteak beste, teleskopio honen bitartez  nebulosa batzuk berez gure [[Esne Bidea|Esne Bide]]<nowiki/>tik kanpoko [[galaxia]]<nowiki/>k eta [[nebulosa]]<nowiki/>k ere bazirela zehazteko, galaxien elkarrekiko higidurak neurtzeko eta unibertsoa hedatzen ari dela fogatzeko. Teleskopio hau oso erabilia izan zen XX. mendean zehar, harik eta 1980ko hamarkadan poliki-poliki baztertu samar geratu zen, ekonomia arazoak tarteko.
=== Hubble teleskopio espaziala ===
[[Hubble espazio teleskopioa|Hubble teleskopio espaziala]] ('''HST''', ingelesezko siglengatik) teleskopio errobotiko bat da, 1990eko apirilaren 24tik [[Lurra]]<nowiki/>ren inguruko [[orbita]] ia-zirkularrean —perigeoan <math>\text {537 km}</math>, apogeoan <math>\text {540,9 km}</math>— biraka ari dena, <math>\text {95,42 min}</math>-ko periodoz. 1990eko maiatzaren 20an jarri zuten funtzionamenduan, hogeita hamar bat urtez aktiboki izateko asmoz. Beraren masa <math>\text {11.110 kg}</math>-koa da eta luze-zabalera <math>\text {13,2 m × 4,2 m}</math>-koa.[[Fitxategi:Paranal and the Pacific at sunset (dsc4088, retouched, cropped).jpg|thumb|286x286px|VLT superteleskopioaren argazkia.]]
=== VLT teleskopioa ===
Gaur egun, European Southern Observatory-ren (ESO) Very Large Telescope (VLT) deritzon eta elkarrekin batera funtzionatzen duten lau teleskopioz osatutako superteleskopioa ari da unibertsoaren hasierako informazioa biltzen. Lau teleskopio horietako bakoitza <math>\text {8,20 m}</math>-ko ispilua du. [[Txile]]<nowiki/>n dago, Cerro Paranal  mendiaren gailurrean, <math>\text {2.600 m}</math>-ko [[Altitude|altitudea]]<nowiki/>n.  NAOS optika egokitzailearen sistema jarri zioten 2002an, eta, horri esker, Hubble teleskopio espaziala baino bi aldiz zehatzagoa da.<ref>{{erreferentzia|abizena=https://en.wikipedia.org/wiki/European_Southern_Observatory|hizkuntza=en}}</ref><ref>{{erreferentzia|abizena=https://en.wikipedia.org/wiki/Very_Large_Telescope|hizkuntza=en}}</ref>

=== Irrati-teleskopioak ===
{{sakontzeko|Irrati-teleskopio}}
'''''Irrati-teleskopioa''''' [[astronomia]]n erabiltzen den norabidezko [[irrati (hedabidea)|irrati]]-[[antena]] mota bat da<ref>{{Erreferentzia|izena=Marr, Jonathan|abizena=M.,|izenburua=Fundamentals of radio astronomy : observational methods|url=https://www.worldcat.org/oclc/958800564|isbn=9781498770194|pmc=958800564}}</ref><ref>{{Erreferentzia|izenburua=Britannica concise encyclopedia.|argitaletxea=Encyclopaedia Britannica|data=2006|url=https://www.worldcat.org/oclc/436847805|isbn=9781849722100|pmc=436847805}}</ref><ref>{{Erreferentzia|izena=Verschuur, Gerrit L.,|abizena=1937-|izenburua=The invisible universe : the story of radio astronomy|argitaletxea=Springer|data=2007|url=https://www.worldcat.org/oclc/184908811|edizioa=2nd ed|isbn=9780387683607|pmc=184908811}}</ref>. Irrati-teleskopioek zeregin handia izan dute espazioko hainbat fenomeno ulertzeko, hala nola [[Quasar|quasarrak]] eta [[Pulsar|pulsarrak]]. [[Irrati-uhin]]ez baliatuz galaxien erdiguneak aztertu ahal izan dira; hain zuzen ere, [[Hauts kosmiko|hauts kosmikoa]] dela eta teleskopio optikoentzat ikustezinak diren eskualdeak. 

Orain, [[Nazioarteko Astronomia Elkartea]]k (Europa, Ipar Amerika, Asia eta Australiako astronomoek osatzen dute) irrati-teleskopio erraldoia eraikitzeko asmoa zabaldu du. ''Square Kilometre Array'' (SKA) izeneko teleskopioak, hain zuzen, kilometro karratuko azalera izango du, gaur egun dagoen handiena baino 200 aldiz handiagoa. Irrati-teleskopio berria 2010ean hasiko ziren eraikitzen eta [[Big Bang]] ondorengo uneetan eratutako egiturek igorritako seinale ahulak ikertzeko balioko du.<ref>{{erreferentzia|izena=|abizena=https://en.wikipedia.org/wiki/Square_Kilometre_Array|hizkuntza=en}}</ref>

[[Bereizmen (argipena)|Bereizmen]]-ahalmen handiagoa lortzearren, bi [[antena paraboliko]] edo gehiago loturik dituzten [[interferometro]]-sareak erabiltzen dira. Lurreko atmosferak <math>\text {3.000 Å}</math>  (alegia, hiru mila [[Angstrom|angstrom)]] baino gutxiagoko [[uhin-luzera]]<nowiki/>ko erradiazioari pasatzen uzten ez dionez, sateliteetan <math>\text {100 km}</math>-ko garaiera inguruan ezarritako teleskopioak erabiltzen dira.

Uhin [[infragorri]]ekin lan egin behar duten teleskopioak eraikitzeko zailak dira, ispiluek eta euskarriak berak izpi infragorriak igortzen baitituzte, zenbaitetan espaziotik datozenak baino indartsuagoak direnak, eta, gainera, zenbait uhin-luzerari dagokienez, garaiera handiagoak beharrezkoak dira erabateko [[Gardentasun|gardentasuna]] lortu ahal izateko.

== Teleskopio arrunten osagaiak ==
Oro har, teleskopio arruntek bi funtsezko sistema optiko dauzkate: [[Objektibo (argazkilaritza)|objektiboa]] eta [[Okular (argipena)|okularra]]. Horiez gain, beste zenbait tresna osagarri, jarraian aurkeztuak:

=== Objektiboa ===
Islapen-teleskopioen objektiboa ''ispilu konkabo'' bat da, gehienetan forma parabolikoa duena. Bertan islatu ondoren, puntu berezi batean fokalizatzen da, zeinari ''irudi-fokua'' deritzon, eta hara iritsitako argi-sorta bigarren ''ispilu lau'' batera bideratzen da, Newton-en motako teleskopioen kasuan.

=== Okularra ===
Okularra da objektiboak fokuan sortutako irudia handitzeko aukera ematen duen teleskopioaren partea, alegia, okularra [[lupa]] berezi baten lana egiten du. Fokatzea objektiboaren eta okularraren arteko distantzia doituz gauzatzen da. Okularrak aldagarriak izaten dira, eta horrela teleskopiaren ezaugarriak aldatu edo egokitu daitezke.

=== Elementu osagarriak ===
Elementu horiez gain —teleskopio bat erabiltzeko ezinbestekoak direnez gain—, zenbait osagarrik tresna baten erabilera-eremua zabaltzeko aukera ematen dute.
[[Fitxategi:Palomar Observatory (15441612942).jpg|thumb|Palomar mendiko behatokiko Hale teleskopioa ]]

==== Hodia ====
Teleskopioaren egiturako zati nagusia da. Barnean dauzka bi ispilu islatzaileak (primarioa eta sekundarioa). Hodiaren pisua orekatzeko eta errazago higitzeko, ''kontrapisua'' deritzon tresna ere badago, armazoiaren [[Engranaje|engranajea]]<nowiki/>k ahalik eta gutxien higatzeko.

==== Armazoia ====
Armazoia (''montura'' ere esaten zaio) teleskopioari eusten dion eta teleskopioa orientatzea ahalbidetzen duen osagarria da. Bi mota nagusikoak erabiltzen dira:

* '''Armazoi ekuatoriala.''' Armazoi horren funtzionamendua izen bereko koordenatu-sisteman oinarrituta dago: teleskopioak ardatz finko baten inguruan egiten duen biraketak aukera ematen du apuntatu beharreko igoera egokia hautatzeko; bestalde, igoera-ardatz horren inguruan biratu daitekeen ardatz perpendikular batek [[Deklinazio|deklinazioa]] hautatzeko aukera ematen du. Behatoki modernoetako teleskopio historiko handiak armazoi ekuatorialean muntatu dira luzaroan. [[Monte Palomar]]-eko teleskopioa da adibiderik enblematikoenetako bat.<ref>{{erreferentzia|abizena=https://en.wikipedia.org/wiki/Palomar_Observatory|hizkuntza=en}}</ref>
*'''Armazoi azimutala.''' Diseinatzeko eta orekatzeko errazena da. Ardatz bertikal batek eta ardatz horizontal batek osatzen dute. Ekuatoreko jarraipena naturaltasunez ziurtatzeko ezintasuna haren akats nagusia da. Hala eta guztiz ere, gaur mota horretako armazoia aukeratzean da nazioarteko behatokietako teleskopio handietarako, kalkuluak eta kontrolak ordenagailuz egiteko aukera ematen duelako. Keck teleskopioak, VLT, LBT, baita E-ELT bezalako proiektuak armazoi azimutalaz eraiki dira.
[[Fitxategi:Astronomia-zaleen teleskopio arrunten tresna osagarriak..png|thumb|Astronomia-zaleen teleskopio arrunten elementu osagarriak.]]

==== Teleskopio bilatzailea (edo bilagailua) ====
Izatez, teleskopio txiki bat da, teleskopio nagusiaren hodiaren gainean paraleloki jarria, eta zeinaren ikuste-eremu zabalagoari esker zerualde baterantz apuntatzea ahalbidetzen duen, izarren arteko lokalizazioa errazteko.

==== Tripodea ====
Tripodeak lurrazal gainean armazoiari tinko eusteko balio du. Aldi berean, multzo osoa orekatu eta egonkortzeko ere balio du, tresnaren oszilazio-arriskuak ahalik eta gehien saihesteko eta bibrazioak indargetu eta xurgatzeko.

==== Barlow-en lentea ====
Astroak behatzean, normalean, okularraren handipena lortzeko erabiltzen da, bikoiztuz edo hirukoiztuz.

==== Prisma edo diagonala ====
Hodi nagusitik datorren irudia desbideratzeko baliatzen da, horrela posizio erosoago batetik behatu ahal izateko. Prismak  <math>45^\circ</math>-ko ispilua du, eta <math>90^\circ</math>-ko angeluaz desbideratzen argi-izpia behaketa erraztuz.

==== Iragazkia ====
Oro har, astroaren irudia gehienetan opakuago bihurtzen duen osagarri txiki bat da, kolorearen eta materialaren arabera behaketa hobetzen duena. Okularraren aurrean kokatzen da, eta bi iragazki-mota hauek dira erabilienak: ''ilargi-iragazkia,'' gure satelitearen behaketan kontrastea hobetzen duena; eta ''eguzki-iragazkia'', Eguzkiaren argia xurgatzeko ahalmen handia duena begiaren erretina ez lesionatzeko.

== Teleskopioen ezaugarri teknikoak eta propietateak ==

=== Ezaugarri nagusiak ===

==== Objektiboaren diametroa edo irekidura (''D'') ====
Teleskopioaren ispiluaren edo lente nagusiaren diametroa. '''''[[Irekidura (argazkigintza)|Irekidura]]''''' da teleskopien parametro garrantzitsuena, objektiborik sartzen den argi-kantitatea adierazten duena. Astronomia-zaleek erabiltzen dituzten teleskopio arruntek <math>76 - \text {150 mm}</math> arteko [[Diametro|diametroa]] izaten dute, eta planeten xehetasun batzuk eta zeru sakoneko objektu asko ([[Kumulu (argipena)|kumuluak]], nebulosak eta galaxia batzuk) behatzeko aukera ematen dute. Eta <math>\text {200 mm}</math>-ko diametroa gainditzen duten teleskopioek ilargiaren xehetasun meheak, planeten xehetasun garrantzitsuak eta kumulu, nebulosa eta galaxia distiratsu ugari ikusteko aukera ematen dute. 

==== Foku-distantzia (''F'') ====
Ispilutik edo edo lente nagusitik okularraren fokura arteko distantzia da.

==== Foku-arrazoia (''f'') ====
Zenbaki adimentsional bat da, <math>f</math> sinboloaz adierazten dena eta foku-distantziaren (<math>F</math>) eta irekiduraren (<math>D</math>) arteko zatidura adierazten duena:

<math display="block">f= \frac {F}{D}.</math>

Teleskopioaren ''[[Argitasun|argitasuna]]''ren adierazlea da. Irekiera zenbat eta handiagoa eta foku-distantzia zenbat eta txikiagoa izan, argitasun handiagokoa izango da teleskopioa. 

=== Propietate optikoak ===

==== Handipena ====
Tresna batek behatutako objektuen itxurazko tamaina zenbat aldiz biderkatzen duen adierazten du propietate honek. Teleskopioaren foku-distantziaren eta okularraren foku-distantzia arteko zatidura da. Adibidez, <math>\text {1.000 mm}</math>-ko foku-distantziako teleskopio batek <math>\text {10 mm}</math>-ko okularra badu, <math>100</math> handituko du irudia.

==== Bereizmena ====
Teleskopioan sortzen diren irudietako puntuak bereizteko eta irudikatzeko duen doitasuna da. Objektiboaren diametroa zenbat eta handiagoa izan bereizte-ahalmena hobetu egiten da. [[Bereizmena]]<nowiki/>k irudiko bi puntu bereizten dituen angelurik txikiena neurtzen du; alegia, bi puntu horiek desberdinak direla ikus daiteke. Gizakien begiaren kasuan, bereizte-angelu txikiena  [[minutu sexagesimal]] batekoa da (<math>1'</math>) . Teleskopioaren bereizmenaren balioa kalkulatzeko, <math>120</math> zenbakiaz zatitu behar da beraren diametroa <math>\text {mm}</math>-tan emana . Adibidez, <math>\text {114 mm}</math>-ko diametroa duen teleskopio batek <math>120/114\simeq1'</math> balioko bereizmena izango du gutxi gorabehera, eta <math>\text {200 mm}</math>-ko teleskopio batek, <math>120/200\simeq0,6'</math> baliokoa.

==== Argitasuna ====
Astronomian, zeruko gorputz batek norabide guztietan igortzen duen potentzia da [[argitasuna]], hots, denbora unitateko energia-kantitatea ([[potentzia]]), eta watt (<math>\text {W}</math>) unitatetan neurtzen da. Zerikusi zuzena du astroaren magnitude absolutuarekin. Bestalde, argitasuna deritzo, halaber, gorputz batek transmititzen edo islatzen duen argi erasotzailearen kantitatearen ikusizko sentsazioari. hautemandako erreflektantzia.

Objektiboaren diametroaren handiagoa izatean, argitasuna handitu egiten da, eta, teorian, teleskopioaren sekzioaren azalerarekiko proportzionala da, bigarren mailako ispiluaren buxadura txikiagoa baita. Gutxi gorabeherako faktorea objektiboaren diametroaren karratuaren eta [[Begi-nini|begi-ninia]]<nowiki/>ren diametroaren —<math>\text {6 mm}</math> inguru, beltzean— zatidura eginez kalkula daiteke. Adibidez, teleskopio batek <math>\text {114 mm}</math>-ko diametroa badu, begiak baino <math>361</math> aldiz argi gehiago lortuko du.

==== Kolorea ====
Astronomia-zaleek erabiltzen dituzten teleskopio gehienek [[kolore]] gutxiko irudiak ematen dituzte. Muga hori, berez, begiaren araberakoa da, ez baita behar adina sentikor teleskopioak koloreak bereizteko transmititutako argi txikiarekin (ez begiko makilatxoen estimulazioa, ez konoena). Berez, teleskopioak nahikoa fidelak dira kolorea erreproduzitzeko, eta, oro har, betaurreko astronomikoak baino hobeak dira. Tresna on batekin, planeten koloreak ikus daitezke.

== Bibliografia ==

* Jean Texereau, ''La construction du télescope d'amateur'', Société astronomique de France (1961) - ISBN: 9782711753437 (édition de 2004) et réédité par Vuibert.

== Erreferentziak ==
{{ lur | data=2011/12/26}}
{{erreferentzia_zerrenda}}

== Ikus, gainera ==
* [[Mikroskopio|Mikroskopioa]]
*[[Behatoki astronomiko|Behatoki astronomikoa]]
* [[Hubble espazio teleskopioa]]

== Kanpo estekak ==
{{wikiztegia|teleskopio}}
* [http://www.argia.com/argia-astekaria/2126/400-urte-gora-begira Teleskopioaren historiari buruzko artikulua ARGIAn]
{{autoritate kontrola}}

{{Teleskopio aurkibidea}}

[[Kategoria:Astronomiarako tresnak]]
[[Kategoria:Gailu optikoak]]
[[Kategoria:Tresna zientifiko historikoak]]