Simpsonen aniztasun adierazle

Simpsonen aniztasun adierazlea ekologian erabiltzen den aniztasun adierazlea da. Zoriz aukeratutako bi banako edo organismo espezie berekoak izateko probabilitatea besterik ez da. Honela kalkulatzen da:

$D=\frac{\sum _{i=1}^S{n}_i(n_i-1)}{N(N-1)}$

S jasotako espezie kopurua da. N eta $n_i$ espezie guztietarako eta espezie bakoitzeko jasotako banako kopurua da. Ekosistema osoan dauden banako kopurua zenbatzea oso zaila denez, gehienetan ikergai diren espezie guztiak barne hartzen dituen eremu txiki bat edo laginketa karratu bat aztertzen da, kopuruak zenbatzearren.

Adierazlea zenbat eta handiagoa izan, bioaniztasuna hainbat eta txikiagoa dela esan daiteke.

Adibidea

Ondoko taula, lur karratu batean jasotako espezieen zenbaketa azaltzen da:

Espeziea	Banakoak
A	2
B	8
C	1
D	1
E	3

Guztira, 2+8+1+1+3=15 organismo bildu direla, honela kalkulatzen da Simpsonen adierazlea:

$D=\frac{\sum _{i=1}^S{n}_i(n_i-1)}{N(N-1)}=\frac{2\times 1+8\times 7+1\times 0+1\times 0+3\times 2}{15\times 14}=\frac{64}{210}=0.3$