Beharrezkotasuna eta nahikotasuna

Logikan eta matematikan, beharrezkotasuna eta nahikotasuna proposizioen arteko inplikaziozko loturak dira. $A\to B$ betetzen denean, A-k B inplikatzen duenean alegia, B proposizioa A proposizioaren baldintza beharrezkoa dela esaten da; beste hitzetan A gertatzen delarik, B ere gertatzen denean. Adibidez, "A: gipuzkoarra izatea" eta "B:Euskal Herriko herritarra" izanik, A-k B inplikatzen du, eta beraz Euskal Herriko herritarra izatea baldintza beharrezkoa da gipuzkoarra izateko (baina ez nahikoa, jakina, gainera Gipuzkoakoa izan behar delako). Halaber, $A\to B$ betetzen denean, A proposizioa B proposizioaren baldintza nahikoa dela esaten da; arestiko adibidea harturik, gipuzkoarra izatea Euskal Herriko herritarra izateko baldintza nahikoa da, gipuzkoarra izateak euskal herritarra izatea dakarrelako.