Errefrakzio-indize

Argi izpi baten errefrakzioa plastikozko bloke batean.

Optikan, errefrakzio-indizea (n) argia ingurune batean nola hedatzen den deskribatzen duen dimentsiorik gabeko zenbaki bat da. Hura definitzen duen ekuazioa honakoa da:

$n=\frac{c}{v},$

non c argiaren abiadura den (hutsean) eta v argiak ingurunean duen fase-abiadura den. Esaterako, uraren errefrakzio-indizea 1,333 da, alegia, argiak 1,333 aldiz azkarrago bidaiatzen duela hutsean, uretan baino.