Azido glukuroniko

Txantiloi:Konposatu kimiko infotaula Azido glukuronikoa $\mathrm{C}{\phantom{A}}_6\mathrm{H}{\phantom{A}}_{10}\mathrm{O}{\phantom{A}}_7$ formula duen azido organikoa da.

Ezaugarriak

Glukosaren deribatu bat denez sei karbonotako kate bat da eta hidroxiloak hark bezala kokaturik ditu. Lehenengo karbonoan aldehidoa mantentzen du baina azken karbonoko hidroxiloaren ordez karboxilo talde bat du.

Sustantzia honen gatzak glukuronatoak dira.

Garrantzia biologikoa

Azido glukuronikoa uretan oso disolbagarria da eta gorputzak sustantzia xenobiotikoak (gorputzari berari ez dagozkionak, hau da, drogak, toxinak, botikak...) kanporatzeko erabiltzen ditu.

Glukuronidazio izeneko prozesu baten bidez sustantzia xenobiotikoei lotzen zaie gibelean eta odolean disolbaturik garraiatua izaten da. Glukuronizaturiko sustantzien toxizitatea txikiagoa izaten da gainera.

N-Azetilglukosaminarekin elkartzean glikosaminglukanoak sortzen ditu, eta honen polimerizazioz azido hialuronikoa eratzen da. Polisakarido hau gizakiaren larruazalean ugaria da, baita beste hainbat tokitan ere. 70 kilogramoko pisua duen gizaki batek batazbeste 15 gramo azido hialuroniko ditu.

Erabilerak

Azido glukuronikoaren hidrosolugarritasuna aintzat hartuta, farmakologoek botikak glukuronizatzen dituzte odolean zehar itu zeluletara irits daitezen.