Azido permanganiko

Azido permanganikoa (HMnO₄) edo stock nomenklaturan manganiko (VII) azidoa lau oxigeno atomo, manganeso atomo bat eta hidrogenozko beste batez osatuta dagoen konposatu inorganikoa da. Permanganato gatzen azido konjokatua ere bada. Argitalpen gutxi egin dira azido honen inguruan eta bere ezaugarrien inguruko jakintza nahiko mugatua da, erabilera gutxi aurkitu baitzaizkio.

Prestaketa eta egitura

Azido permanganikoa prestatzeko modurik ohikoena azido sulfurikozko disoluzio bat prestatzea da, zeinaren solutua bario permanganatoa den. Produktutzat ateratzen den bario sulfato disolbagaitza iragazketa bidez erauzi beharra dago ostera:

$\mathrm{B}\mathrm{a}(\mathrm{M}\mathrm{n}\mathrm{O}{\phantom{A}}_4){\phantom{A}}_2+\mathrm{H}{\phantom{A}}_2\mathrm{S}\mathrm{O}{\phantom{A}}_4⟶2\mathrm{H}\mathrm{M}\mathrm{n}\mathrm{O}{\phantom{A}}_4+\mathrm{B}\mathrm{a}\mathrm{S}\mathrm{O}{\phantom{A}}_4$

Esan bezala, azido sulfurikoak disolbatu egin behar da; azido sulfuriko kontzentratuek permanganatoekin erreakzionatzean anhidridoak eta manganeso heptaoxidoak ekoizten dituzte.

Bestalde, azido permanganatoa azido hidrofluorosilizikoaren eta potasio permanganatoaren arteko erreakzio bidez ere sor daiteke, elektrolisi bidez, edo manganeso heptaoxidoaren hidrolisi bidez. Azken aukera horrek ordea sarritan leherketak eragiten ditu.

Azido permanganiko kristalinoa tenperatura baxuetan prestatzea lortu da, dihidrato moduan: $\mathrm{H}\mathrm{M}\mathrm{n}\mathrm{O}{\phantom{A}}_4\cdot 2\mathrm{H}{\phantom{A}}_2\mathrm{O}$

Egiturari dagokionean, azido permanganatoak azido perklorikoaren egitura tetraedriko bera hartzen duela onartzen da, baina ez da azterketa espektroskopiko edo kristalografikorik egin esandakoa ziurtatzeko.