Ikaita

Txantiloi:Mineral infotaula Ikaita karbonato motako minerala da, kaltzio karbonatoaren hexahieatoak hartzen duen izena. Ikaitak kristal piramidal oso zorrotzak osatzen ditu, maiz erradialki antolatuak, azazkal baten tamainatik punta oso handietaraino. Forma metaegonkorrean baino ez da aurkitzen, eta laste deskonposatzen da ur oso hotzetatik urrunduz gero. Minerala urtzen dela ematen du, eta bere pseudomorfoengatik da ezaguna.

Ezaugarriak

Ikaita karbonato mineralaren formula kimikoa hau da: $\mathrm{C}\mathrm{a}\mathrm{C}\mathrm{O}{\phantom{A}}_3\cdot 6\mathrm{H}{\phantom{A}}_2\mathrm{O}$. Sistema monoklinikoaren arabera sortzen ditu kristalak.

Eraketa eta meatokiak

Mineral arraroa dela esaten da, baina ziurrenik aurkitutako aleak kontserbatzeko zailtasunaren ondorio bat da. Danimarkako mineralogoek aurkitu zuten lehenengoz Ikka fiordoan, Groenlandia, Ivittuutetik gertu. Bertan daude ere kriolita deposito ezagunak. Bertan Ikaita kristal ikusgarriak daude, 18 metroko altuera har dezaketenak, fiordoko hondotik hazten direnak. Uraren gainazala aurkitzen dutenean olatuek mozten dituzte naturalki, edo itsasontziek talka egiterakoan. Hazkuntzaren jatorria urazpian dagoen kaltzio karbonato iturri bat da.