Probabilitate espazio

Probabilitate teorian, probabilitate espazioa probabilitatearen eraketa axiomatikorako oinarrizko elementu bat da. Probabilitate espazioa $(\mathrm{\Omega },ℱ,𝐏)$ hirukote bat da:

• $\mathrm{\Omega }$ lagin espazio bat da, zorizko saiakuntza bateko gertakizunen multzoa;
• $ℱ$ aurreko $\mathrm{\Omega }$ lagin espaziotik eratorritako sigma-aljebra bat da, $\mathrm{\Omega }$ lagin espazioaren azpimultzoen bilduma bat, $\mathrm{\Omega }$ bera eta multzo hutsa barne hartu behar dituena eta itxia dena bilketa eta osaketa eragiketa zenbakarriei buruz;
• $𝐏$ probabilitate neurri bat da, 0tik 1era bitarteko balioak esleitzen dituena, $P(\mathrm{\Omega })=1$ eta $P(\mathrm{\varnothing })=0$ balioak ematen dituena.

Gurpilari eraginez (zorizko saiakuntza), gertakizun posibleen multzoa, lagin espazioa alegia, Ω:{1,2,3} da; bertatik, sigma- aljebra osatuz (irudian, Σ) eta Σ sigma-aljebratik P funtzioaren bitartez probabilitateak eratorriz, (Ω,Σ,P) probabilitate espazioa sortzen da.