Sulfilimina

Metilfenilsulfoximina eta S,S-difenilsulfilimina

Kimika organikoan sulfilimina edo sulfilimida esaten zaio konposatu kimikoen mota bati non sufre-atomo bat nitrogeno bati lotuta dagoen. Lotura bikoitz gisa irudikatzen da. Alabaina lotura bikoitzak zortzikotearen araua bortxatzen du eta, egiatan, lotura bakuna da non +1 karga formala sufrearen gainean dagoen eta -1 nitrogenoaren gainean. Sulfilimina, H₂S=NH, da erreferentziazko konposatua, baina honek interes teorikoa baino ez du.

S,S-difenilsulfilimina eta metilfenilsulfoximina aipa daitezke talde honen adibide moduan.

Prestakuntza

Sulfilimina gehienak N-ordezkatuak izaten dira elektroiak xurgatzen dituzten taldeekin. Horrelakoak sintetizatzeko tioeterrak oxidatzen dira kloramina-T moduko amina elektroizaleekin base baten aurrean.

$\mathrm{R}{\phantom{A}}_2\mathrm{S}+\mathrm{C}\mathrm{l}\mathrm{N}\mathrm{H}\mathrm{T}\mathrm{s}⟶\mathrm{R}{\phantom{A}}_2\mathrm{S}=\mathrm{N}\mathrm{T}\mathrm{s}+\mathrm{H}\mathrm{C}\mathrm{l}$