Ertz (grafo teoria)

Hainbat ertzen adibide, orientatuak eta ez-orientatuak.

Matematikan, grafo teorian, ertza grafo baten bi erpinen arteko erlazio bati dagokiona da. Ertza, erpinekin batera, grafoa osatzen duen oinarrizko elementua da: grafoa puntu eta lerro multzo batez osatutako egitura matematikoa da, non lerro bakoitzak bi puntu lotzen dituen; puntuei erpin deitzen zaie eta lerroei ertz. Ertzek norabidea badute, grafo orientatua dugu, eta ez badute, grafo ez-orientatua.

Definizioa

Biz $G=(V,E)$ grafoa , non $V$={$V_1,V_2,V_3,\dots ,V_n$} erpinen edo nodoen multzoa den eta $E$={$(V_a,V_b),(V_c,V_d),\dots ,(V_k,V_j)$} erpinen bikoteen multzoa. $E$ multzoko elementu bakoitzari, hau da, $(V_a,V_b)$ bakoitzari, ertza deritzo, beraz, grafoaren bi erpinen (ez derrigorrez desberdinak) lotura da.