Diklorofluorometano

Diklorofluorometanoa edo R-21 edo Freon-21 konposatu organikoa da, CHCl₂F formula duena, konposatu organofluoratuen familiakoa eta hidroklorofluorokarburoen klasekoa. Gas kolorge eta usainik gabekoa da giro-tenperaturan. Larruazala narritatzen du.

Ozono-geruzari kalte egiten dio. Montrealgo protokoloaren Montrealgo zuzenketak ezarritako HCFCen erabilera ezabatzeko egutegia 2030ean guztiz debekatuko dituena aplikatzen zaio. Europar Batasunean 2015az gero debekatuta dago fabrikatzea eta erabiltzea.

Sintesia

Diklorofluorometanoa sintetizatzen da kloroformoa hidrogeno fluoruroarekin tratatuz antimonio trifluoruroaren moduko katalizatzaileak usatuz.

$\mathrm{C}\mathrm{H}\mathrm{C}\mathrm{l}{\phantom{A}}_3+\mathrm{H}\mathrm{F}⟶\mathrm{C}\mathrm{H}\mathrm{C}\mathrm{l}{\phantom{A}}_2\mathrm{F}+\mathrm{H}\mathrm{C}\mathrm{l}$

Erabilera

Diklorofluorometanoa erabili izan da disolbatzaile gisa, aerosolen propultsatzaile moduan eta hozgarri bezala industria aeroespazialean.