Klorofluorometano

Klorofluorometanoa edo R-31 edo HCFH-31 konposatu organikoa da, CH₂ClF formula duena, konposatu organofluoratuen familiakoa eta hidroklorofluorokarburoen klasekoa. Gas kolorge, sukoia eta usainik gabekoa da giro-tenperaturan. Larruazala narritatzen du.

Ozono-geruzari kalte egiten dio. Montrealgo protokoloaren Montrealgo zuzenketak ezarritako HCFCen erabilera ezabatzeko egutegia 2030ean guztiz debekatuko dituena aplikatzen zaio. Europar Batasunean 2015az gero debekatuta dago fabrikatzea eta erabiltzea.

Erabilera

Klorofluorometanoak ez du erabilera komertzialik adierazgarririk izan. Diklorofluorometanoaren ez-purutasun agertu izan da.

Klorofluorometanoz eta dklorofluorometanoz osatutako nahasteari pirolisia aplikatzen bazaio hexafluorobentzenoa sintetizatzen da, erresonantzia magnetiko nuklearrean disolbatzaile eta erreferentzia gisa baliatzen dena.

$3\mathrm{C}\mathrm{H}\mathrm{C}\mathrm{l}{\phantom{A}}_2\mathrm{F}+3\mathrm{C}\mathrm{H}{\phantom{A}}_2\mathrm{C}\mathrm{l}\mathrm{F}⟶\mathrm{C}{\phantom{A}}_6\mathrm{F}{\phantom{A}}_6+9\mathrm{H}\mathrm{C}\mathrm{l}$