Diagonal nagusi

Aljebra linealean, matrize karratu edo determinante bateko diagonal nagusia goiko ezkerretik beheko eskuinera doan diagonala da, hau da, elkarren ondokoak ez diren bi erpinen arteko elementu-multzoa: $a_{1,1}$, $a_{2,2}$, $a_{3,3}$ ... $a_{n,n}$. Esate baterako, matrize honek 1-ak ditu diagonal nagusi osoan:

$\left[\begin{array}{ccc}1& 0& 0\\ 0& 1& 0\\ 0& 0& 1\end{array}\right]$

Gainera, diagonal nagusian ez dauden elementu guztien balioa zero den matrize karratua matrize diagonal deitzen da; diagonal nagusiko elementuen balioa edozein izan daiteke, baita zero ere. Matrize karratu bateko diagonal nagusiko elementuen baturari matrizearen aztarna deritzo.