Azido kloroso

Azido klorosoa (HClO₂) klorito ioi batez eta hidroi batez osatuta dagoen konposatu inorganikoa da. Azido ahul bat da. Azido honetan kloroak +3 oxidazio egoera du. Substantzia purua ezegonkorra da eta azido hipoklorosoan (HClO) eta azido klorikoan (HClO₃) dismutatzen da:

$2\mathrm{H}\mathrm{C}\mathrm{l}\mathrm{O}{\phantom{A}}_2⟶\mathrm{H}\mathrm{C}\mathrm{l}\mathrm{O}+\mathrm{H}\mathrm{C}\mathrm{l}\mathrm{O}{\phantom{A}}_3$

Azidoa substantzia puru gisa lortzea zaila bada ere, bere base konjokatua, azido honen eratorria den kloritoa, egonkorra da. Kloritoa duen gatz ezagun bat sodio kloritoa da. Gatz hori eta antzeko beste batzuk batzuetan kloro dioxidoa ekoizteko erabiltzen dira.

Prestaketa

Azido klorosoa bario kloritoa edo berun (II) kloritoa azido sulfurikoaren erreakzionaraziz lor daiteke:

$\mathrm{B}\mathrm{a}(\mathrm{C}\mathrm{l}\mathrm{O}{\phantom{A}}_2){\phantom{A}}_2+\mathrm{H}{\phantom{A}}_2\mathrm{S}\mathrm{O}{\phantom{A}}_4⟶\mathrm{B}\mathrm{a}\mathrm{S}\mathrm{O}{\phantom{A}}_4+2\mathrm{H}\mathrm{C}\mathrm{l}\mathrm{O}{\phantom{A}}_2$

$\mathrm{P}\mathrm{b}(\mathrm{C}\mathrm{l}\mathrm{O}{\phantom{A}}_2){\phantom{A}}_2+\mathrm{H}{\phantom{A}}_2\mathrm{S}\mathrm{O}{\phantom{A}}_4⟶\mathrm{P}\mathrm{b}\mathrm{S}\mathrm{O}{\phantom{A}}_4+2\mathrm{H}\mathrm{C}\mathrm{l}\mathrm{O}{\phantom{A}}_2$

Egonkortasuna

Azido klorosoa oxidatzaile indartsua da, baina dismutatzeko duen joerak balioa kentzen dio dohain horri.

Kloroa da HXO₂ formulako azido isolagarri bat sortzen duen halogeno bakarra. Formula hori duen bromozko edo iodozko azidorik ez da inoiz isolatu. Bromitodun gatz gutxi batzuk ezagutzen dira, baina ez ioditodunak.

Ikus, gainera

• Azido hipokloroso
• Azido kloriko
• Azido perkloriko