Gasolina

Bentzina-hornigailu zahar bat.

Gasolina (Heg.), ezantza (Ipar.) edo bentzina hainbat hidrokarburoren nahastea den petrolioaren eratorri bat da.

720 g/L dentsitatea du (gasolioa baino % 15 gutxiago). Litro bat gasolinak 34,78 megajouleko energia du, gutxi-gorabehera gasolioa baino % 16 gutxiago.

Osagaiak

Gasolina petroliotik lortzen da findegi batean. Orokorrean, destilazio zuzeneko naftatik lortzen da, hau da, petrolioaren parterik arinetik (gasak kontuan izan gabe). Petrolioaren parte astunen (hutseko gasolioaren) beste prozesu-unitate (FCC) bihurtzetik lortzen da Nafta.

Gasolina ehunka hidrokarburo-moten nahastea da, C4tik (butanoak eta butenoak) C11ra, adibidez, metilnaftalenora.

Gasolinaren errekuntza osatugabeak gas pozoitsuak sortzen ditu, hala nola karbono monoxidoa edo oxido nitrikoa. Adibidez:

$C_8{H}_{18(l)}+12.5O_{2(g)}+N_{2(g)}\to 6C{O}_{2(g)}+2C{O}_{(g)}+2N{O}_{(g)}+9H_2{O}_{(l)}+beroa$