Laktulosa

Txantiloi:Konposatu kimiko infotaula Laktulosa laktosaren isomero bat da, esnea asko berotzerakoan azaltzen dena. Galaktosa eta fruktosa banaz osaturiko disakaridoa da. Idorreriaren eta entzefalopatia hepatikoaren aurkako botika gisa erabiltzen da.

Historia

1929 urtean sintetizatu zen lehen aldiz eta 1950. hamarkadatik aurrera erabitzen da medikuntzan.

Egitura

Laktulosaren formula enpirikoa $\mathrm{C}{\phantom{A}}_{12}\mathrm{H}{\phantom{A}}_{22}\mathrm{O}{\phantom{A}}_{11}$ da. Galaktosa eta fruktosa β(1→4) lotura O-glikosidikoaren bidez elkartzen dira. Fruktosaren karbono anomerikoan dagoen hidroxilo taldea aske dagoenez ahalmen erreduzitzailea duen azukrea da. Horrela beraz laktulosaren izen sistematikoa honako hau da:

β-D-galaktopiranosil-(1→4)-β-D-fuktofuranosa

Erabilerak

Munduko Osasun Erakundeak oinarrizko botiken zerrendan sartzen du, osasun sistemako botika eraginkor eta seguruenetakoa kontsideratzen baitu.

Opiazeoek eta opioideek eragindako idorreriari aurre egiteko botika egokia da eta mugimendu gutxiko hesteeak tratatzeko ere egokia da, osmosi bidez ura hesteetara drenatzen laguntzen baitu.

Kolonean dagoen hesteetako florak metabolizatzen du laktulosa eta honen bidez gantz azido kateak laburtu eta amoniakoa (NH₃) harrapatzen du. Honi esker odoleko plasmako amoniako kontzentrazioa jeisten da eta hau lagungarria da entzefalopatia hepatikoa tratatzeko.