Maltosa

Txantiloi:Konposatu kimiko infotaula Maltosa garagarraren maltan dagoen azukrea da, bi glukosa molekula elkartzerakoan sortzen den disakaridoa. Almidoiaren hidrolisian agertzen da.

Egitura

Maltosaren formula enpirikoa $\mathrm{C}{\phantom{A}}_{12}\mathrm{H}{\phantom{A}}_{22}\mathrm{O}{\phantom{A}}_{11}$ da. Lehen glukosako lehenengo karbonoaren eta bigarren glukosako laugarren karbonoaren artean sortzen da α(1→4) lotura O-glikosidikoa. Lotura hori osatzerakoan ura askatzen da eta oxigeno monokarboniliko batek zubi-lana egiten du bi molekulen artean. Bigarren glukosaren karbono anomerikoan dagoen hidroxilo taldea aske dagoenez ahalmen erreduzitzailea duen azukrea da. Horrela beraz maltosaren izen sistematikoa honako hau da:

α-D-glukopiranosil-(1→4)-D-glukopiranosa

Zapore gozoa badu baina azukre arruntarekin konparatuta %30-60 baino ez (disoluzioaren kontzentrazioaren arabera).

Historia

Augustin-Pierre Dubrunfautek aurkitu zuen disakarido hau, baina aurkikuntza Cornelius O'Sullivan irlandar garagardogileari onartu izan zitzaion 1872 urtean. Garagarraren maltan aurkitu zuen eta horregatik jarri zion maltosa izena.

Asia aldean aspalditik ezagutzen zen, Txinan Shang dinastian (k.a. 1600 - k.a. 1046) erabiltzen zen eta Japonian Jimmu enperadorearen garaian, k.a. VI mendean.

Maltosaren siropea.