Metil salizilato

Metil salizilatoa konposatu organiko aromatikoa da C₈H₈O₃ formula duena, esterren klasekoa. Azido salizilikoaren metil esterra da. Likido hori-gorriska da. Disolbagarria da kloroformotan eta etil eterretan. Narritagarria eta toxikoa da.

Metil salizilatoa produktu naturala da eta hainbat landaretan aurki daiteke hala nola, Gaultheria procumbens eta Betula lenta.

Sintesia

Garai batean metil salizilatoa Gaultheria procumbens eta Betula lenta landareetaik erauzten zen. Egun produktu komertziala azido salizilikoa metanolez esterifikatuz ekoizten da.

$\mathrm{C}{\phantom{A}}_6\mathrm{H}{\phantom{A}}_4(\mathrm{O}\mathrm{H})\mathrm{C}\mathrm{O}\mathrm{O}\mathrm{H}+\mathrm{C}\mathrm{H}{\phantom{A}}_3\mathrm{O}\mathrm{H}⟶\mathrm{C}{\phantom{A}}_6\mathrm{H}{\phantom{A}}_4(\mathrm{O}\mathrm{H})\mathrm{C}\mathrm{O}\mathrm{O}\mathrm{C}\mathrm{H}{\phantom{A}}_3+\mathrm{H}{\phantom{A}}_2\mathrm{O}$

Erabilera

Metil salizilatoa gehien bat kosmetikan, elikagaigintzan eta hainbat botiketan usatzen da usaina edota zaporea emateko. Erabilera horietan normalean metil salizilatoaren kontzentrazioa % 0,04tik behera egoten da.

Kontzentrazio handitan ukendu analgesikoetan usatzen da, nahiz eta bere benetako eraginkortasuna zalantzakoa izan. Ukendu hauetan metil salizilatoa beste konposatu batzurekin, hala nola lidokaina edo mentola, nahasirik egon daiteke.

Toxikotasuna

Metil salizilatoa hilgarria izan daiteke kantitate handitan irentsiz gero. Hala ere, metil salizilatoaren toxizitate-arazo usuena ukenduen gehiegizko aplikazioa izaten da, umeengan bereziki.