Paraleloko zirkuitu

Paraleloko zirkuitu edo paralelo-zirkuitua gailu guztien sarrera-borne edo sarrera-terminalak (sorgailuak, erresistentziak, kondentsadoreak, etab.) euren artean elkarturik dauden zirkuitua da, era berean irteera-borne edo irteera-terminalak ere euren artean elkarturik daudelarik.

Parekotasun hidrauliko bat jarraitu ezkero, paraleloan konektaturiko bi ur-biltegiek biak batera elikatuko dituen sarrera komun bat izango dute, gisa berean bi ur-biltegiak batera ustuko dituen irteera komun bat ere izango dute. Etxebizitza bateko bonbillek ere paralelo-zirkuitu bat osatzen dute.

Paraleloan konektatutako gailuen arabera, balore totala edota balore baliokidea honako formulen bidez lortu ahal daitezke:

• Sorgailuak

$V_T=V_1=V_2=...=V_n$

$I_T=I_1+I_2+...+I_n$

• Erresistentziak

$\frac{1}{R_T}=\frac{1}{R_1}+\frac{1}{R_2}+...+\frac{1}{R_n}$

• Kondentsadoreak

$C_T=C_1+C_2+...+C_n$

• Etengailuak

Etengailua 1	Etengailua 2	Irteera
Irekia	Irekia	Irekia
Irekia	Itxia	Itxia
Itxia	Irekia	Itxia
Itxia	Itxia	Itxia

Gailu elektrikoen beste kokapen mota bat serieko zirkuitua da. Honetan balore baliokideak paralelo-zirkuitoaren aurkako eran kalkulatzen dira.

Ikus gainera

• Serieko zirkuitua
• Zirkuitu elektriko
• Osagai elektronikoak
• Ohmen legea