Sodio bentzoato

Txantiloi:Konposatu kimiko infotaula Sodio bentzoatoa azido bentzoikoaren sodio-gatza da C₆H₅COONa formulakoa. Solido zuria da, kristalinoa edo lirdingatsua izan daitekeena. Uretan disolbagarria da eta alkoholetan ez horren beste. Gatza antiseptikoa da eta elikagaiak kontserbatzeko usatzen da.

Naturan

Azido bentzoikoa eta bere gatzak, hala nola, sodio bentzoatoa elikagai natural askotan ageri dira. Landareak eta fruituak iturri oparoak dira, berezki, ahabiaren eta ahabi gorriaren moduko baiak. Halaber, ganbetan eta bestelako itsaskietan eta esnekietan ere ageri dira.

Produkzioa

Sodio bentzoatoa azido bentzoikoaren neutralizazioaz lortzen da.

$\mathrm{C}{\phantom{A}}_6\mathrm{H}{\phantom{A}}_5\mathrm{C}\mathrm{O}\mathrm{O}\mathrm{H}+\mathrm{N}\mathrm{a}\mathrm{O}\mathrm{H}⟶\mathrm{C}{\phantom{A}}_6\mathrm{H}{\phantom{A}}_5\mathrm{C}\mathrm{O}\mathrm{O}\mathrm{N}\mathrm{a}+\mathrm{H}{\phantom{A}}_2\mathrm{O}$

Erabilera

Kontserbagarri moduan erabiltzen da sodio bentzoatoa batez ere, legamia, bakterio eta onddo gehienak hil egiten baititu. Europar Batasunan E211zenbakia du. Oso eraginkorra da baldintza azidoetan eta horregatik ohizkoagoa da kontserbetan, entsaladen gozagarrietan, marmeladetan, fruten zukuetan, freskagarri karbonatuetan eta soja- edo ziape-saltsetan.

Piroteknian ere usatzen da erregai moduan beste konposatu batzuekin nahasirik txistu-hotsa sortzeko.