Woldemar Voigt

Woldemar Voigt (Leipzig (Alemania), 1850eko irailaren 2a- Göttingen (Alemania), 1919ko abenduaren 13a) alemaniar fisikaria izan zen eta Voigt efektua aurkitu zuen. Voigt, fisika teoriako irakasle izan zen Göttingeneko unibertsitatean. Tensore zehaztapenak erabili zituen lehena izan zen. Horrez gain, Voigt idazkera asmatu zuen elastikotasun teoriaren bigarren mailako tensoreetan erabiltzen zena.

Voigten transformazioa

1886 inguruan, Voigt, Albert Einsteinek erlatibitatearen teoriaren formulatzerakoan egin zuen eran, higiduran zeuden gorputzen perspektiba ikerketan hasi zen.

Lorentzen eraldaketaren antzeko eraldaketa ekuazioak deduzitzen lehena izan zen, Voigten eraldaketa, eta eraldaketa honetan uhin ekuazioaren aldaketa eza frogatu zuen. Zeharkako uhinen ekuazio bereizgarri partzial batekin eta Galileoren eraldaketa orokor batekin hasi zen.

Lorentzek azpimarratzen duen bezala, Voigtek Lorentzen eraldaketa aurreikusita dauka. Voigtek 1887an egin zuen lanak erlatibitatearen teoria modernoaren sortzaile izendatzeko balio beharko luke, 1903an lan hori Annalen der Physik-en aitatu baitzuten. 1887ko Lorenz Voigekin izandako gutunak ere badaude eta 1888ko Michelson eta Morleyren esperimentua ere bai.

Eraldaketa horrela idatz daiteke:

$x^{\prime }=x-vt,y^{\prime }=\frac{y}{\gamma },z^{\prime }=\frac{z}{\gamma },t^{\prime }=t-x\frac{v}{c^2}$,

eta $\gamma =1/\sqrt{1-v^2/c^2}$ zen Lorentz faktorea.