1,1,1,2-tetrafluoroetano

1,1,1,2-tetrafluoroetanoa edo R-134a edo HFC-134a konposatu organikoa da, CF₃CH₂F formula duena, konposatu organofluoratuen familikoa eta hidrofluorokarburoen klasekoa. Gas ez-sukoia da giro-tenperaturan. Ez da toxikoa.

Hozgarrien eta aerosolen propultsatzaileetan CFCak ordezkatzeko usatu izan da ozono-geruzari kalterik egiten ez diolako, baina berotegi-efektuko gasa da ordea.14 urte irauten ditu atmosferan. Hori dela eta, Montrealgo protokoloaren Kigaliko zuzenketak bere produkzioa eta erabilera murrizteko bidean jarri du. Europar Batasunaren 2006ko zuzentarau batek ezarri zuen R-134aren erabiltzeari utzi behar zitzaiola aire girotuko ekipoetan 2010eko hamarkadan zehar.

Sintesia

1,1,1,2-tetrafluoroetanoa sintetizatzen da trikloroetilenoa hidrogeno fluoruroarekin erreakzionaraziz.

$\mathrm{C}\mathrm{H}\mathrm{C}\mathrm{l}=\mathrm{C}\mathrm{C}\mathrm{l}{\phantom{A}}_2+4\mathrm{H}\mathrm{F}⟶\mathrm{C}\mathrm{F}{\phantom{A}}_3\mathrm{C}\mathrm{H}{\phantom{A}}_2\mathrm{F}+3\mathrm{H}\mathrm{C}\mathrm{l}$