Biniliden kloruro

Biniliden kloruroa edo 1,1-dikloroetilenoa konposatu organikoa da, CCl₂CH₂ formula duena, organokloratuen familiakoa. Usain gozoko likido kolorgea da. Ohiko disolbatzaile organikoetan disolbagarria da, baina apenas uretan.

Polimeroak edo kopolimeroak ekoizteko monomero gisa baliatzen da.

Sintesia

Biniliden kloruroa 1,1,2-trikloroetanoaren deshidroklorazioz ekoizten da, base bat, NaOH esaterako, katalizatzaile gisa usatuz 100 C-tan.

$\mathrm{C}\mathrm{l}{\phantom{A}}_2\mathrm{C}\mathrm{H}\mathrm{C}\mathrm{H}{\phantom{A}}_2\mathrm{C}\mathrm{l}+\mathrm{N}\mathrm{a}\mathrm{O}\mathrm{H}⟶\mathrm{C}\mathrm{l}{\phantom{A}}_2\mathrm{C}=\mathrm{C}\mathrm{H}{\phantom{A}}_2+\mathrm{N}\mathrm{a}\mathrm{C}\mathrm{l}+\mathrm{H}{\phantom{A}}_2\mathrm{O}$

Erabilera

Biniliden kloruroa monomero gida usatzen da bai poli(biniliden kloruro)a sintetizatzeko baita hainbat kopolimero ekoizteko ere. Kopolimeroak binil kloruroarekin, akrilonitriloarekin eta metil metakrilatoarekin eratzen ditu.

Toxikotasuna

Biniliden kloruroak begiak, eztarria, eta larruazala narritatzen ditu. Buruko minak, ondoeza eta nauseak eragin ditzake.