Monomio

Fitxategi:Monomioak Azalpena 2. DBH - Jakindun.webm Monomioa Gai bakarreko adierazpen aljebraikoa da. Gai hori zenbakien eta aldagaien arteko biderkadura da. Adibidez:

$a\cdot b=ab$

$x\cdot x\cdot y=x^{2}y$

$p\cdot q\cdot q\cdot q\cdot r=p{q}^{3}r$

Monomioak zenbaki bat ere biderkatuta eduki dezake, koefizientea deitzen dena. Koefizientea monomioaren hasieran idazten ohi da.

$2\cdot a\cdot b=2ab$

$3.15\cdot x\cdot x\cdot y=3.15x^{2}y$

$\sqrt{5}p\cdot q\cdot q\cdot q\cdot r=\sqrt{5}p{q}^{3}r$

Beraz, gai bakarreko polinomioa da monomioa.

Eragiketak monomioekin

Monomioen batuketa eta kenketa

Monomioen batuketa edo kenketa egin ahal izateko monomioak antzekoak izan behar dira, hau da, gai aljebraiko (aldagaien zatia) berbera izan behar dute. Kasu horretan gai aljebraikoa mantentzen da eta koefizienteen batuketa edo kenketa egiten da. Adibidez:

$x^{2}z+3x^{2}z=4x^{2}z$

$3pqr-2pqr+5pqr=6pqr$

Monomioen biderketa eta zatiketa

Berreketen propietateak jarraitu behar dira.

$x{y}^2\cdot 2x\cdot 3y^3=2\cdot 3\cdot x\cdot x\cdot y\cdot y\cdot y\cdot y\cdot y=6x^2{y}^5$

$\frac{x{y}^2\cdot 2x}{3y^3}=x{y}^2\cdot 2x\cdot 3^{-1}{y}^{-3}=\frac{2}{3}{x}^2{y}^{-1}$

Ariketak

• Monomioak
• 
  Monomioen batuketak eta kenketak lantzeko ariketa.
• 
  Monomioen batuketak eta kenketak lantzeko ariketa II.
• 
  Monomioen biderketak eta zatiketak lantzeko ariketak.
• 
  Monomioa den edo ez identifikatzeko ariketa.
• 
  Monomioen errepasoa.
• 
  Monomioen potentziak lantzeko ariketa.
• 
  Monomioak lantzeko ariketa.