Sodio metoxido

Sodio metoxidoa alkoxidoen familiako konposatu organikoa da CH₃ONa formula duena. Solido zuria eta oso kaustikoa da, egitura polimerikoa duena. Laborategian zein industria kimikoan asko baliatzen de erreaktiboa da.

Sintesia

Sodio metoxidoa metanola zuzenean sodioz tratatuz prestatzen da. Erreakzioa oso exotermikoa da eta tentuz egin behar surik ez sortzeko.

$2\mathrm{N}\mathrm{a}+2\mathrm{C}\mathrm{H}{\phantom{A}}_3\mathrm{O}\mathrm{H}⟶2\mathrm{C}\mathrm{H}{\phantom{A}}_3\mathrm{O}\mathrm{N}\mathrm{a}+\mathrm{H}{\phantom{A}}_2$

Erabilera

Sintesi organikoan ohikoa da sodio metoxidoa usatzea konposatu asko prestatzeko hasi botikekin eta buka nekazaritzarako produktuekin. Base gisa hainbat deshidrohalogenazio- eta kondentsazio-erreakziotan erabiltzen da. Nukleozale gisa jokatzen du metil eterren prestakuntzan.

Sodio metoxidoa hasarazle gisa usatzen da etilen oxidoaren adizio-polimerizazio anionikoan pisu molekular handiko polieterrak prestatzea heburua denean.

Biodiesela prestatzeko landare-olioak eta animalia-koipeak lehengai direnean sodio metoxidoak katalizatzaile gisa jokatzen du.